სამოქალაქო საზოგადოება მიგრაციისთვის
25-27 მარტს ჩატარდა ქსელის - “სამოქალაქო საზოგადოება მიგრაციისთვის” წევრი ორგანიზაციებისათვის 3 დღიანი ტრენინგი სამოქალაქო პლატფორმის წევრთა ორგანიზაციული განვითარების ხელშეწყობისთვის. ტრენინგში ქსელის წევრ ორგანიზაციებთან ერთად, მონაწილეობას იღებდა მიგრაციის საკითხთა სამთავრობო კომისიის წარმომადგენელი, რომელმაც განიხილა 2021-2030 წწ. მიგრაციის სტრატეგია და 2024 წლის სამოქმედო გეგმა.
ტრენინგზე ქსელის წევრი ორგანიზაციის “კივიტას გეორგიკას” პრეზიდენტმა მაია ნასრაშვილმა ისაუბრა ისეთ სენსიტიურ საკითხებზე, როგორიცაა მშობლების ემიგრაციაში წასვლის შედეგად სამშობლოში დარჩენილი ბავშვების პრობლემები და გენდერისა და მიგრაციის საკითხებთან დაკავშირებული ძირითადი გამოწვევები, ორიენტირებული საქმიანობის მნიშვნელობა და აუცილებლობა - ბავშვზე მორგებული მუნიციპალური მიდგომები მშობელთა ემიგრაციაში წასვლის შედეგად სამშობლოში დარჩენილი ბავშვებისათვის .
ორგანიზაცია “უფლებები საქართველოს” დირექტორმა ვლადიმერ მკერვალიშვილმა ტრენინგის მონაწილეებს ამბის მოყოლის თანამედროვე ტექნიკებსა და კონფლიქტ სენსიტიური კომუნიკაციის შესახებ ჩაუტარა სესია.
ბოლო სესიაზე განიხილეს მიგრაციის გენდერული კომპონენტი, რომელსაც რამდენიმე ორგანიზაციის წარმომადგენლი უძღვებოდა : იულია ხარაშვილი, იგპ ქალთა ასოციაცია “თანხმობა”; ეკატერინე გამახარია, ქალთა ფონდი “სოხუმი”; ნანა თოდუა, ასოციაცია “მერკური”. სესიაზე ისაუბრეს გენდერისა და მიგრაციის საკითხებთან დაკავშირებულ ძირითად გამოწვევებზე საქართველოში. ასევე განიხილეს ქალთა ეკონომიკური გაძლიერება რეგიონალური განვითარების კონტექსტში.
ტრენინგი ჩატარდა გერმანიის საერთაშორისო თანამშრომლობის საზოგადოებისა (GIZ) და მიგრაციის პოლიტიკის განვითარების საერთაშორისო ცენტრის (ICMPD) ორგანიზებით.
ქსელის - “სამოქალაქო საზოგადოება მიგრაციისთვის “ საქმიანობას კოორდინაციას უწევს სამდივნო, რომლის როლსაც ამჟამად ასრულებს ინოვაციებისა და რეფორმების ცენტრი.
დამატებითი ინფორმაცია ქსელის საქმიანობასთან დაკავშირებით იხილეთ აქ:
25.03.2024
Civil Society for Migration-online meeting
5 აპრილს ინოვაციებისა და რეფორმების ცენტრის (IRC) ორგანიზებით ჩატარდა შეხვედრა ქსელის “სამოქალაქო საზოგადოება მიგრაციისთვის” წევრებთან ,ონლაინ პლატფორმაზე.
Სამუშაო შეხვედრაზე საუბარი იყო ქსელის მუშაობის პრინციპებზე,მის ღირებულებებზე, სტრატეგიულ მიზნებზე და ქსელის წევრობაზე.
Პროექტი ,,სამოქალაქო საზოგადოების ქსელი მიგრაციის უკეთესი პოლიტიკისთვის” ხორციელდება ინოვაციებისა და რეფორმების ცენტრის მიერ, კახეთის რეგიონალური განვითარების ფონდთან თანამშრომლობით ,,განვითარებაზე მიგრაციის გავლენის გაძლიერება საქართველოში” (STREAMinG) პროექტის ფარგლებში, რომელსაც ახორციელებს მიგრაციის პოლიტიკის განვითარების საერთაშორისო ცენტრი (ICMDPD) ევროკავშირისა და შვეიცარიის განვითარების და თანამშრომლობის სააგენტოს (SDC) დაფინანსებით.
05.04.2023
ქსელის წევრების შეხვედრა
28-29 აპრილს ინოვაციებისა და რეფორმების ცენტრმა (IRC) გამართა შეხვედრა კახეთში, ქსელის წევრებთან, ამ შეხვედრაზე საუბარი იყო მიგრაციის ქსელის ელექტრონული პორტალის კონცეფციაზე, პლატფორმის მართვაზე და მასზე განთავსებული მასალების ფორმარტზე. Ჩეხვედრას ესწრებოდნენ ქსელის წევრების უმეტესობა.პლატფორმის ერთ-ერთი მიზანია ქსელისა და მისი წევრების საქმიანობის პოპულარიზაცია
28.04.2023
საჯარო პოლიტიკის მონიტორინგი
22-25 მაისს ინოვაციებისა და რეფორმების ცენტრმა (IRC) ,,სამოქალაქო საზოგადოების ქსელი უკეთესი მიგრაციის პოლიტიკისთვის” პროექტის ფარგლებში, გამართას ტრენინგი Zoom-ის ელექტრონული პლატფორმის მეშვეობით.
Შეხვედრის მთავარი მიზანი საჯარო პოლიტიკის მონიტორინგი და შეფასება იყო. Ტრენინგი ჩაატარა ნანი მაჭარაშვილმა, პროექტის საჯარო პოლიტიკისა და ანალიზის ექსპერტმა
22.05.2023